لاتحسبي يوم اطريك مغليك

لاتحسبني يوم انا اطريـك مغليـك
يمكن مع سير السوالـف طريتـك

العام تنساني وانـا اليـوم ناسيـك
كلك على بعضك ترانـي نسيتـك

ماني على رجواك يازين ناصيـك
اموت في عـزي وانـا مارجيتـك

كل المشاعـر فيضهـا ماتدانيـك
دامك تشكل في غـرورك وطيتـك

كنت اتحاشى غلطتـي ماتباريـك
حتى وانا مجرووح جيت وعطيتك

اعطيتك افراح العمـر والتباريـك
وان داربك همك رحلـت ولقيتـك

واليا طلبت احلى القصايد تسليـك
جبت القصايـد كلهـا وارتضيتـك

اكتب علشـان المعانـي معانيـك
واقرا حروفي واعرف اني قريتـك

واداعب احلامك واناجـي لياليـك
وان مرني طيفك مشيت وسريتـك

واليوم بدلـت المشاعـر تماتيـك
وأقصى ضلوعي عن هواها قصيتك

يحرم علي اليـوم بسمـك اناديـك
وش عاد لو قلتـي ترانـي فديتـك

الله عليك يا مشعل
إنتقاء جميل يا خوك
تستاهل اللي مرتز فوق
لا هنت
^_^

---

تسلم يمينك على هالابيات لاهنت .... ي بعدي ...

ابيات رائعه
تسلم ي خوي

ابيات راائعه واصل مشعل
بارك الله فيك ولاهنت

الله الله الله عليك اخوي مشعل وعلى هالابداع المدفون سامحك الله على اخفاء هذه الموهبه لك الود والاحترام والئ الامام... نص فعلا يستحق التميز و التقييم..

والله ابيات رااائعه


الف شكر لك

كودرد ^_^

تسلموووووووون والله مروركم الجميـل ّّّ