يانصرنا...

السلام عليكم واطيب التحايا للجميع.:
لن اخجل من كثر قصائدي عن النصر ويشرفني ان اضع بين ايديكم هذي القصيده الجديده:-


يارب قدرني على جميع النفيس من الحروف £ اللي توضّح ما ظهر واللي تبيّن ما خفا


موضوعها الحالي محبه غير عن كل الولوف £ من دون صد ودون بعد ودون كره ولا جفا


يانصرنا لو جارت الدنيا وضدتنا الظروف £ يبقى لك بصدر الجماهير المحبه والوفا


شرفتنا في مبتدا الدوري واعلنت الوقوف £ الحاضر يشرف بإذن الله والماضي عفا


خليتنا نقدر نراهن بك علن من دون خوف £ صدارة الدوري مطالبنا ومن غيره كفا


وتشوف جمهورك يوقف بالميات وبالالوف £ علمتنا طبع الوفا وحنا جماهير الوفا


وسلامتكم وعقبال الدوري ان شاء الله.....