...‘‘‘ زعلان مني!! لا تقول الحطب طاح,,,

[نصرآويه ذوق]

http://up.2sw2r.com/upfiles/4ki23132.gif

زعلان مني لاتقول الحطـب طـاح
عاتب على كيفك وريـح ضميـرك



اخطيت في حقك وعيييت لاارتـاح
ياليتني مخطي مع انسـان غيـرك


ماكنت اجيك ونضرة عيونك سلاح
ولاكنت احس اني من الذنب اسيرك


تضحك وانا قلبي تحت موس جراح
ان ماذبحني عنك حـدد مصيـرك


كنت احسب ايام الغلا كلها افـراح
الين سـل مهنـدك مـن جفيـرك


خلاني احسب للخسـاير والارباح
واكتب قصيد(ن) فيك عله يثيــرك


بيحت دمعي لين سد الغلا باح
حتى قليلك صار عندي كثيرك


مضمي وصالك شوق والشوق ذباح
مضمي وانا دلوي على جال بيرك


عامين برقك في سما الوصل ما لاح
عامين ما داعبت مسمع عشيرك


ماتدري ان الوصل تجنيد الارواح
واليا التقن وافق مسيري مسيرك


ولاكنك اللي لبشك شعري وشاح
اللي تساقط دونه حظوظ غيرك


والياا رجعت بعذر قلنا الحطب طاح
عذرك سمين وكثر الله خيرك

[كحيلان الفخر]

يعطيك العافيه ابيات راائعه جدا اشكرك

[النُّــادِر]

ألف شكر يا ذوق
قصيدة جميلة
لا هنتي
:)

[نصرآويه ذوق]

روحي العالمي تشرفت بمرورك العطر لصفحتي

سلطان النصر تشرفت بمرورك العطر لصفحتي لا خلا ولاعدم

[طيف الذكريات]

والياا رجعت بعذر قلنا الحطب طاح
عذرك سمين وكثر الله خيرك

الله الله

قصيده في قمة الرووعه

رااقت لي حييل ..تسلمين يالغلااا

ماننحرم يارب ..

[عالمي الطائف]

ماتدري ان الوصل تجنيد الارواح
واليا التقن وافق مسيري مسيرك

كل شويا اقول ذي احلى وذي اروع
والضاهر اني انا باتعب وانا انتقى منها
ولكن انتي للابداع عنوان
الف شكر لك يالغلا ولاهنتي
ولك ودي

[نصرآويه ذوق]

طيف الذكريات الاروووووووووع مرورك ي الغلا
ي لبى هالطله منحرم منها ي الغلا

عالمي الطائف الاروووووووع مرورك العطرلصفحتي
لا خلا ولاعدم من هالطله الحلوه