نصراوي العصر
05-09-2012, 10:39 AM
الله من قلبٍ همومه تشله=وينقل من الدنيا حمول البعارين
همٍ يدولب به وهمٍ يتله=تل الرشا من بين ورد المحيمين
ياعبيد يامشكاي دن السجله=وهات القلم باكتب من القاف سطرين
ياعبيد لو دامت لياليك فله=لا تامن الدنيا تراها ام وجهين
تضحك وهي تطوي بكبدٍ مغله=ولزمٍ تفرّق بين شمل المحبين
اما رمت بك وانت ما فيك خله=ولا طوتك إلين ترجع مسيكين
ترجع كما جذع يهمّل بحله=ومن حالتك تضحك عليك الوراعين
ايضا ويبقى من حياتك مجله=اما على طغيان ولاعلى دين
لزمٍ تلاقي لك كتاب تفله=تلقى الكتاب وحاضرٍ لك موازين
لاتغتنم من صوب الاجواد زله=اصبر الى جاتك من الربع الادنين
الا الى عارضك من شان دله=رد الخصيم الى تعرضك بالشين
واحذر تخاوي اللي على غير مله=خافك تظل الى تبعت المظلين
وان ريت لك مقفي مولٍ فخله=طرد المقفّي لا بحقٍ ولا زين
ولا باس وان حطيت مجلس وسله=ومنارةٍ يجذب سناها المغيبين
رحب الى من جات كنها الاهله=واشتر ذبيحتهم ولو كان بالدين
مما راق لي....
همٍ يدولب به وهمٍ يتله=تل الرشا من بين ورد المحيمين
ياعبيد يامشكاي دن السجله=وهات القلم باكتب من القاف سطرين
ياعبيد لو دامت لياليك فله=لا تامن الدنيا تراها ام وجهين
تضحك وهي تطوي بكبدٍ مغله=ولزمٍ تفرّق بين شمل المحبين
اما رمت بك وانت ما فيك خله=ولا طوتك إلين ترجع مسيكين
ترجع كما جذع يهمّل بحله=ومن حالتك تضحك عليك الوراعين
ايضا ويبقى من حياتك مجله=اما على طغيان ولاعلى دين
لزمٍ تلاقي لك كتاب تفله=تلقى الكتاب وحاضرٍ لك موازين
لاتغتنم من صوب الاجواد زله=اصبر الى جاتك من الربع الادنين
الا الى عارضك من شان دله=رد الخصيم الى تعرضك بالشين
واحذر تخاوي اللي على غير مله=خافك تظل الى تبعت المظلين
وان ريت لك مقفي مولٍ فخله=طرد المقفّي لا بحقٍ ولا زين
ولا باس وان حطيت مجلس وسله=ومنارةٍ يجذب سناها المغيبين
رحب الى من جات كنها الاهله=واشتر ذبيحتهم ولو كان بالدين
مما راق لي....