أسبوع مر!!

[ممدوح]

قصــــــيده لــــشاعر الشاب((محمد جار الله السهلي))
اتــــمنى ان تنال أعجابــــكم
00000000000000000
أسبوع مر!!ولا وصل منك مرسال
ياقو قلبك كيف تقاطعني أسبوع؟!
الجوع كافر!وانت ماترحم الحال
وانا عليك من الوله ميت جوع
يالي غيابك صعب يطري على البال
تركتني ضايق وحاير ومفجوع
ماكني الا: شايب فاقد عيال
وماكنك الا:محرم حق مشروع!!
يفوع لك قلبي ليا مر الأطلال
ياليت مالي قلب يشتاق ويفوع
حسبي عليك شلون قطعت الأمال
باااااموت لاصار الأمل فيك مقطوع
ياصاحبي ماكل نزال رحال
انت الحيا من وين مارحت متبوع!!
نسياني لزول بالاعماق يختال
اصعب على صاحبك من حبة الكوع
لو الثمن في شوفتك عمر رجال
كان الثمن من يوم ماغبت مدفوع!!
ولو القدر ماتم قوله ليا قال
ماضاق صدر ولاانحنى راس مرفوع
ياصاحبي عشقتني فعل وخصال
وانا عشقتك شعر واحساس وطبوع
وشلون تتركني كذا لااشهب الــلال
وقدام عيني تجف ينبوع 00ينبوع!!
وانا عشانك جيت والغيم همال
اسيل الوديان واداحم جموع
ماردني عنك سواليف عذال
تزعل علي ربوع وتقدر ربوع!!
كان المهم اعيشك جنون ووصال
ويكون لي كلمه ولي راي مسموع
واليوم ضاقت بي من الجال للجال
فرقاك تقصم ظهر وتحز وتلوع
لوجيت شفت الحال ماسرك الحال
في غيبتك ضايق وحاير ومفجوع!!
هذا غياب اسبوع وشلون لو طال
طالبك00لايطول غيابك عن اسبوع!!

[عاشقه فارس نجد]

يعطيك العافيه

ذائقه جميله

وووقصيده كلها احسااس

تحيااتي

[||غنـوجة النـصر||]

كلمـاتً فـي قـمـةُ الـروعـه
يسلً لنـا حسكـً...

[طبعي الوفاء]

ابيات رائعه
يعطيك الف عافيه
على الطرح الرائع
نتتظرجديدك بكل شوووق

[نمران]

تسلم على النقل

[الحاضر الاجمل]

ماقصرت

تسلم ويسلم الشاعر

[همس القصيد]

كلمات في غايه الروعة
تقبل مروري

[نصراوي العصر]

نقل قصيدة شاعر رائع من قلم اروع من الرائع الف شكر لك اخوي على النقل والله لايهينك...

[ممدوح]

شكرا ع المرور

[ممدوح]

يسلمووووووووووو