((حــب بـــدويـــــــــه))

[هولستن المطيري]

القلـب ياراكان عطيـتـه بنـيّـه


ومن بعدها والقلب ياخـوك محـروق


الله يعيـن اللـي يـحـب ابـدويّـه


ماشافها الا مرة(ن) داخل السـوق..!


سألتهـا يانـاس مـن حسـن نـيّـه


قلت.. القمر فالسوق يامنبـع الـذوق


قالت..ترا مانيـب بنـت احضريّـه


انـا ابدويـه ياولـد واتبـع النـوق


نفسي تشـوم عـن الـردا والرديّـه


مانيب الد العيـن فـي كـل مخلـوق


قلـت.. القمـر يابنـت تـراك زيّـه


وانا ابدوي يابنت والصـدق منطـوق


انـا ابـدوي يابنـت والنـار حيّـه


وانا ابدوي(ن) ما اعرف الغدر والبوق


قالت..انا ما اعـرف روحـه وجيّـه


وما اعرف والله عالم الحب والشـوق


واعيش انا في شمـس مانـي بفيّـه


بين الغنم والبـل وبرعـود وبـروق


والظاهـر انـك مثـل بـاق البريّـه


تقول احب ومنطـق الحـب برفـوق


وتضحك على هاذي وهـاذي وذيّـه


وتقول انا حمّود لو انـت مـرزوق.!


قلت..اسمعيني قبـل اسـوي قضيّـه


احب كل الناس مـن غيـر معشـوق


والله عطانـي. حـب نجـد العذيّـه


حب(ن) مهب موجود في كل مخلـوق


وما اجازي الحسنـه ترانـي بسيّـه


اعرف حقوقي والزمن مالـه احقـوق


وقالت..وهي تضحك لا تزعل عليّـه


مـع السلامـه دون ميعـاد مسبـوق


حاولـت.! اناديهـا واقـول اجوديّـه


وقفّت بقلبي وانثنـى بعدهـا السـوق


ومن بعدها والقلب فيـه الـف كيّـه


لا والله الا راح فيهـا ولـد روق..!!


والله يعيـن اللـي يحـب ابـدويّـه


قلبه من اسباب الهوى صار محـروق

[فارس الماضي]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[دلوعة أبوهـآ]

ابيات رائعه


تسسسسلم ايديك

يعطيك العافيه

عــوافي ع الطرح

ودي:)

مـــ العالمي ــــلاك