فديتَشَ لـآ دعيتَشَ

فديتش لا دعيتش ينتشي جاشـي علـى لبّـاش
تنشّعني سواليفـش وتنشـل م الحشـا جاشـي

والى منش تفدّيتـي فـلا ردي : فـداش الاش !
فداش اغلا خفوقٍ حبش ولا سمع بـش واشـي

شرى قربش وشافش كل شي بعيشته وأغـلاش

نشا بأشواقه لشوفش تشـوّق مزنـش الناشـي

وغنّا لش وشل بشيلته مـن شعـره الشـوّاش

ودوّن لش من شعوره شعر ماهو على الماشـي

أحبش ايه أحبش كثر ماهـذا الغـرور أعمـاش

عسى قلبش يظلّي من ذنوبـه راجـي وخاشـي

دخيلش رشي وصالش يكفيني ماغيـر إرشـاش

تشوا قلبـي وشاقـه علـى شوفـش تعطّاشـي

تعالي بيـن جفنينـي لحافـش ذا وذاك إفـراش

أغمض بش وأصونش م القشر وأوّقف إرماشـي

والى منش تحاشيتي وشمتي والزمـان أغـراش

رشاش بضحكةٍ صفرا .. ؟؟ بتفشل رشوة الراشي

يكشّر لش عن انيابه ويكشف لش من الغشّـاش

وتلفحش الهبايـب دون مـا ألحفـش بقماشـي

وأخذتي ذنب قلبٍ ما غفـر ذنبـش ولا بـرّاش

وشنتي في عيوني وأعتبرتـش حلـم متلاشـي

راقت لي

ابيات راائعه الله يعطيك العافيه يالغلا ولاهنتي اشكرك
ودي,

الله الله على انتقاءك الروعه ولاهنت ..

ابيــــــــــــات رائعععه

تسلميين يالغلاا ع الانتقاء المميز

لاااهنتي ..

صح لسانش و سلمت ايدينش
و لا هنتييش ^_^


يعطيش العافية
الف شكر لش