مشتاق لكم حيل

موجود ياعمري ولا اقدر احاكيك
في ذمتي ... أرحم علي المقابر

في ذمتي مشتاق لك حيل وابغيك
اشتاق لك لو الزمان حيل غادر

البعد مايرحم حبيبك ومغليك
الشوق مابين المحبين كافر

أعيش بك ليلي عيوني تحاكيك
اقوم بك صبحي واناديك باكر

أحتاج لك وأحتاج حتى لطاريك
أسمك يهيضني بصدر الدفاتر

وجهك ليا مني لمحته أخاويك
بكل عقل وفكر وأحساس شاعر

ياكثر ماطيفك سكن عين غاليك
ياكثر ماغاليك شاكي وصابر

خلها على الله كان طالت لياليك
ليلي قضيته في هموم ومقازر

الشوق يطعني وروحي تناديك
في غيبتك ماعاد للروح خاطر

وختامها ياحر وكرك واراضيك
الحب لك في داخل الروح وافر

منور اخوي العزيز
ابيات اكثر من رائع وفقك الله
وبانتظار جديدك

وينك يالغالي المبدع النادر
صح لسانك كلمات رائعة
اشتقنا لك يالغالي
الله يعطيك ألف عافية

ياهلا فيك يالطيب

صح لسانك