مبروك لجماهير العالمي وخصوصا للامير تركي بن فيصل..

بعد ما اتم الامير فيصل بن تركي الوعد اللي قطع على نفسه لابنه الامير تركي بن فيصل استحق مني ان اقدم له التهنيه بشكل عام وخصوصا للامير الصغير وما دام ان كحيلان قال ان جميع جماهير النصر حسبة ابنه تركي فنحن لنا مطلوب ونتمنى ان يتمه الامير:

مبروك فوز النصر بالكاس مبروك=والعالمي جو البطولات جوّه
ومبروك ياتركي وفا الموعد ابوك=وذي عادته الله يزيده بقوه
اعطا الوعد باسمك وللموعد صكوك=وافرح جماهير النصر بالمروه
(ومادام جمهور النصر حسبة اخوك=مطلوبنا تمديد فترة سموه )
لانه كفو والكفو ما يآبه الشوك=يقدم له كحيلان من غير سوه
هذا زمان النصر والشك متروك=وبينه وبين المجد عشق وأخوه

وسلامتكم وبالتوفيق للعالمي وان شاء الله يتم كحيلان مطلوبنا مثل ما اتم مطلوب صاحب السمو الملكي الامير تركي بن فيصل ...