جيتـك بقآيآ حي كل اكثرهَ مآآت ..

مســـــــــــــآء الخير .. "


جيتك بقايا حي كل أكثرة مات
وصلت لك ب آخر رمق من حياتي
جيتك خوي الخوف في رحلة الذات
بين الرجا وظروفي القاسياتي
جيتك من الفرقا كثير التلفات
جيت أنتحر في عيونك الناعساتي
جيتك مزيج جروح ودموع وآهات
نديم لعيون الأسف والشماتي
جيتك شظايا تشتعل شوق بسكات
مدري حزن مدري سعادة إسكاتي
جيتك لوإنتِ سابع المستحيلات
أللي يحبك يصنع المعجزاتي
جيت أستجيرك من شموس المتاهات
عيت تظللني تحتها عباتي
ابي أتعافى عقب طول المعاناة
على رصيف أشواقك الدافياتي
تلقفيني من إيدين التشتات
صيري بحلاة الروح قارب نجاتي
هلاوغلا يمحى كدر كل مافات
يامزنت أفراحي ومنبع هناتي
أما دموعي بدليها أبتسامات
وألا إعزفي لحن العزى في وفاتي


ددمتم ب ود .. "