إهداء بأسمكم جميعا,,رجاءا الكل يدخل...

اهدي باسمكم جميعا هذا الاهداء البسيط الى من جمعنا حبه واتفقنا ان نكون له العون طال الزمان اوقصر واتمنى من الجميع ان يأذن لي...

إن كان به بيني وبينك ميانه=استئذنك طلب صغيّر وذا الحين
بسمك ابهدي لي هديه تكانه=للي غلاته جاريه فالشرايين
النادي اللي كل واحد عشانه=ما همته لو فيه يخسر ملايين
اللي اخذ شبه الجزيره بيانه=وهذا لغز ما يجهلوه الذكيين
فارس ولا مثله احد في زمانه=لا غار غار وغيرته تكحل العين
حلق وجو العالميه مكانه=وبدع ولا خيّب ظنون المحبين
الابداع عاداته وحقه وصانه=من الف وتسع اميه وخمسه وخمسين
ما فيه احد يجهل نباه وكيانه=الا قصيير وقصّره فعله الشين
اللي تزايد فيه طبع الخيانه=وذا الطبع ما ينمو سوا فالرديين
مثله الى منه حكا من بيانه=هذي عجين وحط فالثانيه طين
قليل فود ولا يشرف خوانه=ولاهو كفو تصغي اليه الميامين
النصر من فوقه وعالي بشانه=غصبا على الزعلان والقاسي يلين
اقولها واللي يطول لسانه=يلقى نبا, يذرف معه دمعة البين
وختامها ما دام فيها ميانه=اهدي بسمكم يالجموع الوفيين
للنصر واسم النصر عالي بشانه=وعساي ما اقدم سوى الوافي الزيين..

وسلامتكم جميييع...
وعسى اكون قد وفقت في تمثيلكم جميعا في هذا الاهداء,, واكرر امنيتي ان تتواصل هذه الاهداءات بيننا كاعضاء وكل التوفيق للجميع...