أشيائك ..'

أشيائك ..'

-










كنت أغير من أتفه اشيائك.تصور أني كنت أتفه من اشيائك واغير..
شنويعني أنك تغار من الاشياء الصغيره غير أنك شي صغير

يااه والله ياكثر ماكنت أحبك كثر ماجات الليالي بلا ضمير
ليلة البارح علي كانت طويله كيف امررها على عمري القصير

وضحكتك ما تضحك ..تبكي .عيب تضحك لي وانا ماني بخير
انا وأنت وضحكتك مانشبه الا سخرية قبل الاخير من الاخير

ماهو انت اللي احبه ياحبيبي لكن انت الي احبه بس غير
فيك منك شي باقي وشي ضايع ياخساره شيك الضايع كثير

ليت لو مريت عيني وشفت روحك بينك ومابينك الفارق كبير
وينه الي داخلك كان يعرفني وينه الي لا تلقاني يطير

الي لابردت يصير ناري وان عطشت يصير لي شفة غدير
وينه الي لا ارتعبت من الليالي كنت اجيله كني اخوه الصغير

هذا شكلك هذا صوتك هذا وجهك هذي وقفاتك وخطوات المسير
هذا كل شي ماعادا لمسة ايدينك ذيك غير ياحبيبي وهذي غير

توني شفتك زين مدري توني اصحى مثل مايصحى من النوم الضرير
لو تطيح صورك اللي في خيالي ماتطيح الواقفه جنب السرير

روح وانا ماني براضي ..وراضي لو يمشيني التعب مشية كسير
المصير انواع .احيانا مصيرك انك تعيش الحياة بلا مصير

كنت اخاف فراقنا لين افترقنا كيف ابدل خوفي وكيف استخير
انا محتاج اني اخاف نتلاقى لاني كل ماخاف من حاجه تصير

بارك الله فيك

اتشرف بمرورك اختى

جميله جدا هذه القصيده ومعبره حيل
تقبل ودي
ضامي بطوله