هذا السؤال اللي ذبحني بالخفا !!

بسم الله الرحمن الرحيم

الطير لاكسر جنحانه يطير؟
هذا السؤال اللي ذبحني بالخفا



ما همني ما بعد هذا وش يصير
الي حصل في صفحة الماضي كفا



ما بين خوف الله وتأنيب الضمير
ما خاب رجال(ن) لوجه الله عفا



انا السفير اللي يدور له سفير
وانا الوفي اللي زمانه ما وفا



شفت الزمن لبسني الثوب الحرير
وثوبه يبنجني لطعنات القفا



ما عاد ابي ثوبه وابي ثوب الفقير
اللي احس بلبسته ستر ودفا



اسهل ما بالدنيا برستيج الأمير
بس المصيبة لو بعد ناره طفا



من عاش وقته لايجار ولا يجير
محدن بداريبه مشى والا لفا



والكلمة اللي حدها حد الشطير
لا قال شخصن تحسب حسابه افاااا



ياكبرها كبراه في عين الكبير
ويا صغرها للي بمرجلته هفا



الحمل ما شاله سوى ظهر البعير
اللي تبين في مواطيه الحفا



البارحة تقريب في حزة عصير
كنه خفوقي قطن في دار السفا



طرا علي الحب الاول والاخير
اللي معلقني على جسر الجفا



وش هو سبب هالصد والدنيا بخير
ليته مأكد صدته والا نفا



ماني بناقص هم تكفااااا يالعشير
جفنك ينام وجفن غير ما غفا



مااحب غيرك لان حبك غير اي والله غير
لوهو صفا جوي بدونك ما صفا



بقول لك كلمه وانا اعرفك كبير
ما هي تجيني منك يالغالي افاااا






الشاعر/ عبدالكريم الجباري

الله الله على الطررح الاكثر من راائع مشكووور
اخووي سلطان على النقل المميز
ابيآآآت في قمةة الرووووعهه
تقبل مرووري اختكك
"الاميرة الصغيره"

الله يعطيك العافيه مراقبنا المميز
ماشاء الله ابيات روعه بجد
شكرا لك لطرح ولاهنت

الله الله ابيات في عاية الروعه اختيار اكثر من رائع
يعطيك العافية
تحياتي لك

الله الله عليك وعلى انتقاءك المميز للشاعر الكبير عبدالكريم الجباري صح الله لسانه ولاهنت على النقل ...

المشاركة الأصلية كتبت بواسطة الاميرة الصغيره

الله الله على الطررح الاكثر من راائع مشكووور
اخووي سلطان على النقل المميز
ابيآآآت في قمةة الرووووعهه
تقبل مرووري اختكك
"الاميرة الصغيره"

الاروع مرورك يالأميرة
و الله يشفي أخوك و يقومه بالسلامة إن شاء الله
^_^

المشاركة الأصلية كتبت بواسطة روحي العالمي

الله يعطيك العافيه مراقبنا المميز
ماشاء الله ابيات روعه بجد
شكرا لك لطرح ولاهنت

الله يعافيك روحي العالمي
الأروع تواجدك
أهلاً
^_^

المشاركة الأصلية كتبت بواسطة جوجل

الله الله ابيات في عاية الروعه اختيار اكثر من رائع
يعطيك العافية
تحياتي لك

هلا جوجل
الله يعافيك .ز تواجدك زادها روعه يا صاحبي
أهلاً
^_^

المشاركة الأصلية كتبت بواسطة نصراوي العصر

الله الله عليك وعلى انتقاءك المميز للشاعر الكبير عبدالكريم الجباري صح الله لسانه ولاهنت على النقل ...

و لا تهون طال عمرك
شرفني مرورك عزيزي نصراوي العصر
أهلاُ
^_^

صح لسان شاعرها والف شكر للنقل

نقل مميز جدا