لآ ياستآذي كورهـ باقائم اخالفك الرأي تماماً..!!
انت فريق تبغى ترجع لعهدك كيف تقول ضغط ماضغط اساساً اذا مافيه ضغط تعب ماتجي البطولات .!
ثاني شيء ايش سبب هذا الضغط .؟ليه يصير عندك ضغط في اسيا ومع الدوري ؟؟
لأن نفس اللاعبين اللي بالدوري و اسيا هم اللي يلعبون ارهآآق كبير فـ شيء طبيعي انك راح تذبذب مستواك وتطالب ياعزيزي بالتركيز على البطولا المحليه
طيب اذا بغينا النصر يلعب بالبطوله الخاريجه والمحليه من دون ضغط الحل ببسآطه جب لاعبين بدلاء نفس مستوى الاساسي..!
لكي لايكون هناك ضغط على اللاعبين..
لو فرضنا ان عندنا بالوسط الان مع الزيلعي وحمود والقحطاني ,لاعبيين 2 بالوسط اجانب مثلاً او محلين ان شاء الله يكون مستوى هالاثنين ممتآآآز ,بالرغم ايضاً ان القحطاني وزيلعي وحمود جيدين ..
نروح نلعب الاثنين ذولي مثلاً باالاسويه والباقي نخليهم بدلاء والدوري كذلك ..
عشان مايكون فيه ارهآق .!
وعلى كل الخآنآت كذا يكون فيع بدلاء ممتازين بحيث مانرهق اللاعبين ..
انت شايف الان كيف بعض لاعبين النصر كيف مرهقين.؟
فـ طبيعي ان مستوى متفاوت بسب الضغط ولايوجد من يسد الخآنه فـ بالتآلي يكون عليك ضغط في كثرهـ البطولآت والسبب عدم وجود لاعبين بنفس المستوى .!
يعني عشآن مانعآني من هآالمشكله هذي اول شيء نوفر اللاعبين الاجانب وكم لاعب محلي مؤثرين ..!
هذي اول خطوهـ تبعد عني مشكله كثرهـ البطولآت ..!!
ثاني شيء لازم اجيب مدرب عظيم يعرف يكف يوظف اللاعبين وكيف يتعالمل مع كل مباراهـ وما يضغط اللاعبيين بحيث ان سواء المباراه مهمه او ماهي مهمه يقوم يدخل اللاعبين المميزين دائم بالتآلي يصابون ولانستطيع الاستفاده منهم في المباريات الاهم
وهذا كله بسب بركآت المدرب ..!!
يعني بالنهايه اللي يبغى مايصير عندهـ لخبطه في البطولات لايقعد يجيب الاعذار وهو اساساً ماسعى للافضل انت سو اللي عليك وثم عآد تعآل وقول فيه تداخل بطولات,
مو ترهق اللاعبين ومدرب مايعرف شيء وتجي تقولي سبب لنا الضغط مو ضغط اساساً انت اللي تسببت فيه من الاصل .!
وبعدين فيه شيء مهم انت كـ ادارهـ نادي لازم من بدايه الموسم يكون عندك (اهدآآآآآآآآآآآف)..
يعني قبل لايبداء الموسم ايش نبغى نحقق من الموسم ذا (نبغى بطوله كذا وكذا والبطوله هذي مثلاً ماهي مشكله لو ماناخذهـ فـ ماتكون من ضمن اهداف الادارهـ المخططه لهآ )..
وتقعد عاد تشتغل بذمه على البطولات اللي تبيهآ والبطولات اللي اساساً ماهي من ضمن اهدافك تستفيد منهآ كـ خبرهـ للاعبين واستكشآف موآهب بعض اللاعبين و الخ من الفوائد,, بغض النظر عن كوننآ ماحنا مركزين عليهـا كـ بطوله ..
لكن يهمنا برضوا اننا نستفيد منها حتى لو ماخذيناه وهذا بالضبط مثل بطوله اسيا الحآليه (اللي قاعدين نلعب فيه من دون منهجيه واضحه وانها مي من ضمن اهداف الادارهـ كـ بطوله لكن مي مشكله نخلي اللاعبين الصغآر يكتسبون خبره عشان يفدونا بالمواسم القادمه اللي راح تكون فيها كآس اسيا من ضمن اهدافنآ )
طيب الان لو فرضنا في ظل وجود لاعبين النصر هؤلاء والمدرب خلآص مانلعب باسيا؟؟
لا طبعاً الا نلعب فيه عشآن نكسب الخبرهـ مو بعدين لما تجي تجيب نجوم اجانب تلاقي الاجانب يبدعون والمحليين يجيبون لك العيد وتقعد تسب في المحلين ,في ه الحآله انت اللي تسببت في المستوى السيء للاعبين المحلين بحكم انك منعتهم من اكتساب الخبرهـ في بطوله اسيا ..
الان خلاص خل لاعبينك بما انهم صغار (سهلاوي ,عمر ,غآلب ,بلال ,عنزي الخ)
يكتسبون الخبرهـ وعلى بآل مانجيب اجانب مثل الناس ومدرب عظيم
يكون كل شيء اكتمل وماينقصنا غير التوفيق والبطوله ...
راح يكون عندك كل المعطيات اللي راح تخليك تحقق الكآس
(اجانب متميزين , محليين متمرسيين ,مدرب عظيم ) هذا اهم شيء طبعاً ذكرته وفيه اشياء اخرى لكنها سهل توفرهـ لكن هذا الاصعب والاهم .!
اسمحلي استآذي لقد اسهبت , واخذت مسآحه طويله في موضوعك
ارجو ان يتسع لها قلبك ..