نادي النصر السعودي شبكة جماهير الوفاء - عرض مشاركة واحدة - ورداً .. قــطـــفــتــه .. حتى اضعه ( هُنا )

04-14-2011, 04:14 PM

بسّام .. .. هلا ..
انا : وش رايك نتمشى بالمكان هذاك ؟
بسّام : لا ياشيخ .. شوف الناس . وش يقولوا عنا ؟
انا : طيب ...

اليوم الثاني :
مُهند : هلا
انا : وش رايك نقول لعبدالعزيز ونسافر تايلاند ؟
مُهند بعد مانقز من مكانه : مهبول انت . تايلاند . وش يقولوا الناس ؟
انا : وش علينا من الناس ؟ مدام ماراح نسوي غلط ؟
مُهند : لا ولو الناس .. الناس يامحمد !
انا : طيب ..

اليوم الثالث الساعه 3 في الليل :
انا : عبدالعزيز ..
عبد العزيز : هلا والله ..
انا : ماودك ناخذ لنا لفه ونغير جو شوي ؟
عبدالعزيز : تدري كم الساعه الحين ؟
انا : كم ؟
عبدالعزيز : الساعه 3 تراها ؟
انا : طيب واذا ؟ مو احنا جالسين وهي الساعه 3 ؟
عبدالعزيز : ايه يالغبي جالسين . بس لو تطلع يشوفك احد .
انا : طيب واذا شافني احد وش يصير ؟
عبدالعزيز : مهبول انت الساعه 3 في الليل وتتمشى وش يقولوا الناس ؟
انا : طيب يابو العز اقلب وجهك بنام !

اليوم الرابع :
انا : مُهند حبيبي .
مُهند : هـلا ..
انا : اسمع اسمع وش رايك في الاجازه الصغيره ذي نروح لمصر ؟
مُهند : لا ياخوي توي راجع من الامارات وش تبي الناس تقول عني ؟
انا : طيب .. طيب ..

اليوم الخامس :
انا : بسّام ..
بسّام : هلا ..
انا : اسمع اليوم في جلسه طرب بالاستراحه اللي قبلنا تبي نروح ؟
بسّام : لا فكنا تكفى . يشوفنا احد يعرفنا ..
انا : طيب واذا شافك هو اساسا جاي يعني مثلك

بسّام : بس ولو اخاف يقول لاحد ولا شي .
انا : طيب طيب ..

اليوم السادس :
انا : بسام , مهند , عبدالعزيز .
هم : هلا .
انا : وش رايكم نسافر لأي مكان ؟
هم : لاياخوي , تونا راجعين , بيقولوا الناس عندهم شي .
انا : الناس الناس الناس الناس الناس الناس .
يالله مع السلامه بمشي .
هم : وين محمد بدري ؟
انا : امس شايفكم اخاف الناس يقولون كل يوم عندهم اكيد وراهم شي .

ياعم وش علي من الناس انا
انا ابخص بنفسي . واعرف نفسي زين .
واذا هي على سالفة الزواج تخافون . والأب برجفكم

بقولكم هذا الكلام عام 1407 يوم الواحد عمره 17 يتزوج .
الحين الدنيا تغيرت . البنات تكدست . والله لو تسوي
ماتسوي . وتخطب يعطونك . واذا رفضوا ذولاك . تحصل العائله
الثانيه ترحب فيك ..

مانزوجك .. لانك تسافر خارج المملكه .. !
مانزوجك .. لانك تدخن ..
مانزوجك .. لانك مامعك شهاده جامعيه ( وتحصلونه موظف ) .

هذي الافكار
انقرضت . من زمان ..
الحين ابلتشت العالم بالبنات . البيت الواحد فيه ولدين و 5 بنات !!
اول كانت البنات قليل . والطلابه كثير . فكانوا يتشرطون .
اما الحين البنات واجد والطلابه قليل .. .

في الاخير
يبقى معدن الرجل هو المهم .
اذا كنت واثق من نفسي . واخاف من الله قبل الناس .
واعرف طريقي الصحيح . مايمنع لاسفر ولا غيره .