العيـون
العيون اللي ورى البرقع الغاوي عذاب البلا في برقع الصقر وإلا في العيون والله إني قبل أشوفش وقلبي ما يهاب بس نظراتش كذا توردني الجنون في جديلش ظلمت الليل والوجه السحاب والشفاه الفاكهه والعرب ما يدركون عينش الموت المصفى واذا طار الحجاب ان لله وان إليــــه راجعوووووون من يقول ان سن عشرين هو عز الشباب علموه ان الثلاثين هو عز الزيون احذف بروحي على الدرب لو دونش ضباب واتبعش برضاي ما ابغى اللي حولي يشعرون في عيونش معركة موت ورموشش احراب ونجلتين عيونش بها الخلايق يبتلون ان مسكتي الشارع العام كسرتي الرقاب وان دخلتي في المحلات جاوش يقبلون ويش اسوي فيش وانتي مجننة الشباب وغيرتي في بعض الأحيان مدري ويش تكون أيني في وجهش العف من شوف العذاب لا تحديني على الشين دام الحال دون صرت أدراي كل جاهل وانا عالي جناب وصرت احامي دون وجهش وانا أحبش وأمون داري انش بنت منهو لا جاب الصيد جاب شايب رباش وعطاش جعله ما يهون لكن ان قلبي من الشوق عدابي وغاب كل ما تقبل بي ظنون تقفيبي ظنون وانتي احلى من حلى السيل لكنش سراب وصلش أبعد من سماء الغيم لا غطى الركون ولا رفعت الفير من فوق ثبان الخضاب نقشة الحناء حكايه وضرب من الجنون وعقدش اللي زاهي منحرش لا ذاب ذاب ذاب ذاب من النعومه على الصدر الحنون قولي اصلا كيف ما تستحي منش الثياب انتي احلى ما إلبس كل شكل وكل لون ودي أسافر بعينش ذهاب بلا إياب لا عقب برقعش برقع ولا عقبش عيون |
الله يعطيك العافيه مشرفنا على النقل الجميل اشكرك
|
صح لسان الشاعر حمد البريدي
وسلمت يداك استاذي الغالي اصرار على النقل الرااائـع الله يعطيك العافية وألف شكر لك |
حياك الله اختى رووح
|
الله الله الله اختيار مميز مشرفنا الرائع صح الله لسان الشاعر والف شكر لك على النقل المميز ولاهنت ....
|
ابيات رائعه تسلم الايادي خيووو
|
هﻻ بابو مقبل
متور ولاهنت |
منورنى اخوى نصراوى
ريى يسعدك |
حياك اختى نصرواية
|
الساعة الآن 05:34 AM |
Powered by vBulletin® Copyright ©2000 - 2024, Jelsoft Enterprises Ltd
F.T.G.Y 3.0 BY: D-sAb.NeT © 2011