|
صوت الصورة
صورة العدد تصوير الزميل سعود المطيري إعداد - بكر هذال ياضب جحرك غشاه السيل والا انت فرحان مبسوطي والا مفهّي وزدت الكيل وجيت تلعب تبي شوطي الخير حولك وجاك الليل مالك عشاء غير مغطوطي قهوتك صارت بليا هيل والشاي تلهم من القوطي عبدالكريم النغيمشي - لوذة الضب يستسقي وهو رافع الراس يطلب من المولى يبارك بسيله ينبت ربيع البر بقرى وبسباس ينبت بمطمنها وفوق النثيله كلٍ يحب البر لا ذاع نسناس لافاح عطر الروض كلٍ يجي له عبدالعزيز الصالح - القصب يا ونّتي ونّت الغرقان والسيل دفّن مجاحيره الروّضه اللي بها ضبّان ربّي عطاها هماليله الضّب طالع وهو بردان بردان ما عاد له حيله عبدالكريم عبدالرحمن السلّوم - القرائن ياضب جاك سيلٍ تحدر من محاديره قام يتصافق وعم جاله الى جاله واضن وبل المطر يرسل محاذيره وراح الجحر يوم غر السيل مدخاله مالك جدى لاتوش وتكثر الحيره دور على حاجةٍ تنجي من الحاله حمد عبدالله الوايلي - حوطة سدير الخير جانا وجوي زان يا مرحبا وقت ماجانا والضب من كثرته غرقان والناس خلفه وﻻتوانا حرام مطارده يا خوان بهيمةٍ كيف وتهانا محمد عبدالعزيز الخنيفر - أشيقر السيل له تأثير في الأرض والناس وفي كل كائن هالتاثير يتجلّى الزهر يتْفتَّح ويَعْبَق فلنفاس والطير بالخضره تمتّع .. وغنّى والإِبْل والأغنام مخفوضة الراس تحصد عشب البطن مِنه تملى عبداللطيف الحُمَيَّانِي - عنيزة الضبّ كنّه يشتكي لخالق الناس من عالمٍ شنّوا عليه الإباده لَوْ حَدّهم جوعٍ بلا شك لا باس لكنهم صادوه لجل الإشاده كلمه بوجهها لمن عنده إحساس الرفق محمودٍ ولو في جراده ناصر جمعان آل عوض - وادي الدواسر طلع خضار الأرض في قاعة السيل يحيا بها ضبٍ غدا هيكل عظام مرّت عليه عجاف وشاف البهاذيل فرضٍ عليه الوقت يبتل على صيام برحمه من الله من السحب جت هماليل لعيال آدم .. والزواحف .. والانعام سعود عبدالعزيز الهزاع - نعام ياللي بنيت البيت في وسط سهله وحطيت لك حوله نثيله رفيعه جاك الوبل يمشي كما نهر دجله بيتك غرق والحال صارت فضيعه السيل ما يرحم ولا يعطي المهله كم ضب قبلك ما تهنى بربيعه لو ارتفعت ارت لك الحال جمله وفكيت نفسك من عوامل طبيعه خالد ناصر المخيمر - روضة سدير ﻻ تلحقون الضب خلّوه يرتاح خلّوه في دربه وﻻحدٍ يأذيه السيل جاه واغرقه وقت ما طاح بهيمةٍ مسكين ياما يعانيه هذي بهايم وافهم العلم يا صاح بعض البشر انهاه وﻻهو يخليه ريان محمد الخنيفر - الرياض يالغيث تفرح أرض وإنسان وأشجار وتفيض أنهارٍ مع بحور .. وسيول إن مت سباحٍ .. وماهر .. وحذار وتكفل الوالي برزقه على طول لكن رياض البيد عندي لها ميول مع شبّةٍ للنار .. ودلال .. وأخيار |
رد: صوت الصورة
ابيات روعه مشكوره اختي
|
رد: صوت الصورة
مششكوره اختي
|
رد: صوت الصورة
يعطيك العافية
|
رد: صوت الصورة
استاذتي الغاليه روح العالمي
دائمـآ أختيارك رائع وابداع صوت الصورة جميل ورائع الله يعطيكي ألف عافية وألف شكر على الأختيار الموفق اقتباس:
يذكرني بقصيدة شاعر يافعي من عندنا ــــــــــــــــ ياكم نصحتك ورجعت النصايح قصص / من قال لك بالنصيحة قلت فاهم خلاص كسبت شلة سرق ترقص مع من رقص / نسيت لحباب لي تحرص عليك احتراص نسيتنا في النسم واصبحت وسط الحوص / وفي الحوص سيبوك أهل القلوب الحواص ــــــــــــــ الحوص = الصيق |
رد: صوت الصورة
يعطيكم العافيه منورين
وصح لسانك ياشاعرنا لاهنت |
| الساعة الآن 02:23 AM |
Powered by vBulletin® Copyright ©2000 - 2024, Jelsoft Enterprises Ltd
F.T.G.Y 3.0 BY: D-sAb.NeT © 2011